«Родина» агрофирмасы Ақмола облысында егіс науқанын алғашқылардың бірі болып аяқтады

«Родина» агрофирмасы Ақмола облысында егіс науқанын алғашқылардың бірі болып аяқтады

«Родина» агрофирмасы 2026 жылғы көктемгі егіс науқанын Ақмола облысындағы ауыл шаруашылығы кәсіпорындары арасында алғашқылардың бірі болып сәтті аяқтады. Биыл шаруашылық 50 мың гектардан астам алқапқа дәнді дақылдар сеуіп, өңірдегі ең озық әрі тиімді аграрлық кәсіпорындардың бірі екенін тағы бір мәрте дәлелдеді.

Дала жұмыстарының жоғары қарқынмен жүргізілуі — шаруашылық ұжымының, сондай-ақ кәсіпорын басшысы Иван Адамович Сауэрдің үйлесімді жұмысының нәтижесі. Еңбекті дұрыс ұйымдастырудың, механизаторлар, агрономдар мен мамандардың кәсібилігінің арқасында агрофирма егіс жұмыстарын агротехникалық талаптарға сай мерзімде аяқтады.

Бүгінде «Родина» агрофирмасы агроөнеркәсіп кешенін табысты дамытудың жарқын үлгісіне айналды. Кәсіпорын заманауи агротехнологияларды белсенді енгізіп, мал шаруашылығын дамытып, өндірістік базасын нығайтып, ауылдың әлеуметтік инфрақұрылымының дамуына елеулі үлес қосып келеді.

Ақмола облысының әкімі Марат Ахметжанов шаруашылық ұжымын ауыл шаруашылығы маусымының маңызды кезеңін сәтті аяқтауымен құттықтап, кәсіпорын қызметкерлерінің өңірдің аграрлық секторын дамытуға қосқан үлесін ерекше атап өтті.

— Бұл — жоғары жауапкершіліктің, жанқиярлық еңбектің және өз ісіне деген адалдықтың нәтижесі. Агрофирма ұжымының тәжірибесі мен кәсібилігі Ақмола облысының ауыл шаруашылығын тұрақты дамыту мен тиімді жұмыстың үлгісі болып қала беретініне сенімдімін, — деді өңір басшысы.

Шаруашылық ұжымына қолайлы ауа райы, мол өнім, тұрақтылық және еңбекте толағай табыс тілінді.